ENTERTAINMENT – Tumestigo an anay player han basketball han Syracuse University ngan personal assistant ni Sean “Diddy” Combs kasumpay ha nagpapadayon nga sex trafficking trial han kilala nga music mogul.
Sumala kan Brendan Paul, 26 anyos, mas nagigin creative hi Combs kun aada ha impluwensya han droga. Ginkarawat ni Paul nga lima tubtob 10 ka beses nga pumalit hiya hin droga para kan Combs, upod na an cocaine, ketamine, ecstasy, ngan marijuana, ngan makausa gumamit hiya hin “rose cocaine” ha sugo ni Combs basi pamatud-an an iya “pagkamaunungon.”
Naaresto hi Paul dida han Marso 2024 ha Miami airport matapos nga madakpan nga may dara nga cocaine para kan Combs. Ginwara an mga akusasyon kontra ha iya mahuman niya matapos an pretrial diversion program.
Ha ilarum han imunidad, ginsumatan niya an korte mahitungod han iya 1.5 ka tuig nga eksperyensya komo kabulig ni Combs, upod na an mga mando nga may kalabutan ha iligal nga droga.
Lakip ha mga testimonya an mga ex-girlfriends, anay mga empleyado, male sex worker, ngan bisan an rapper nga si Kid Cudi. Hi Ye (nga anay kilala nga Kanye West) in umatubang gihapon ha korte.
Hi Combs in priso ha Brooklyn tikang han iya pag-aresto dida han Septyembre 2024, ngan ginlalauman nga matatapos an kaso han prosekusyon yana nga Lunes.
Kadungan hini, nakatalaan gihapon nga mahitabo an presentasyon han depensa, nga ginlalauman nga maabot hin duha ngadto ha lima kaadlaw.
