NATIONAL – Maabot ha sobra 23.8 million an mga kaduda-duda nga transaksyon an nahipatik han Anti-Money Laundering Council (AMLC) para ha tuig-2024.
Ha budget deliberation, ginmalatumat ni Senate Committee on Finance Chairperson Grace Poe, sponsor han AMLC budget ha plenaryo nga ginbabana-bana ada ha 23.882 million an mga suspicious circumstance o kaduda-duda nga transaksyon ha mga bangko an nadiskubrehan han AMLC tikang ha 1st ngada ha 3rd quarter han presente nga tuig.
Tikang ha 2022 kutob 2024 o ha sulod han tulo katuig in sobra ha 36.9 million naman an nakarawat nga mga kaduda-duda nga covered transaction kun diin kaupod na hine an mga kaso nga maypaghisumpay ha smuggling, swindling, ngan pagtalapas ha Electronic Commerce Act of 2000.
An covered transaction in natudlok ha general threshold nga maabot ha P500,000, karuyag sidngon, kun umabot na ha sugad nga kantidad an transaksyon ha bangko in kinahanglan na ine nga ig report ha AMLC.
