TACLOBAN CITY– Naghatag hin pagkalaro an alkalde hiton Tabon-Tabon Leyte, ha nagsarang nga himangrawon kasumpay ha pag-loan hin P129M. han ira bungto.
Sumala kan Tabon-Tabon Leyte, Municipal Mayor, Efren Redoña, nga an mao nga salapi in gagamiton para ha ika-kahusay han mga pasilidad han ira lugar.
Ginpaangbit hine nga an nasabi nga kantidad in babatag-batagon ha pira nga mga proyekto han ira bungto.
Pira ha mga pagagamitan han mao nga salapi, an pagpaupay han waste management, pagpaupay han public market, sugadman an pagpa-upay han mga health center, pag-arog han mga mag-kokolekta hiton basura kada adlaw, ngan kalakip dinhi an ira pagkarsada han ira proposed cemetery.
Gintagan hin duon ni Redoña, nga nag-loan hira hin sugad kadako nga salapi dire para ha ira kalugaringon nga interes, lugod ine in para ha ika-karibhong han ira lugar o han iya nasasakupan, ngan panuyo hine in magin hapsay an panginabuhi han mga taga Tabon-Tabon Leyte.
Dugang pa han mao nga alklade, nga an nasabi nga pag-loan in umagi ha sakto nga proseso ngan mga dokumento, sanglit waray angay kabar-an an mga molopyo han Tabon-Tabon Leyte, nga mahihingadto ha kurapsyon an nasabi nga salapi.
