TACLOBAN CITY– Nagahatag hin pagkalaro ha publiko an alklade han MacArthur Leyte, kasumpay hiton kontrobersyal nga pagmimina ha iya nasasakupan.
Una hine, nagin kontrobersyal ha social media an pira nga mga report kasumpay han Strong Belt Mining Corporation ha Bangay Maya han nasabi nga bungto.
Sumala kan Mayor Rudin Babante, MacArthur Leyte, nagkamayda hin permit an nasabi nga mining company tuig 2007, ngan kutob ine ha 2032 , kun diin haros 25 katuig an katugutan ha ira kontrata.
Ginklaro gihapon hine nga umabot an nasabi nga dredger ha ira bungto, nga kompeto ine hiton mga dokumento.
Samtang para naman hiton ira pagbubuhaton nga mining activity ha ira lugar, in waray pa an mga ine mag seccured hin permit ha ira opisina.
Dugang pa ni Babante, naglilikay iya nga masuspender sanglit nga nagsusunod la hiya hiton balaod, nga iginpapatuman kun diin kumo alkalde han nasabi nga bungto, waray hiya katungod nga magpa-undang han nasabi nga pagmimina, tungod nga dire na ine sakop han iya hudikatura kumo alkalde, ngan na implementar na ine han nakalabay nga administrasyon, ngan sugadman in mayda an mga ine kontrata tikang ha national..
Ginklaro nga Babante, nga an iya gahom in limitado la ha iginpapatuman han Sangunniang Panglunsod han iya bungto.
Samtang, nagdig-on naman ine nga an iya la pwede buhataon in magpasa hin rekomendasyon ha MGB, ngan DENR, kun dire an mga ine nakakag-comply hiton mga dokumento nga ginkikinahanglan hiton munisipyo.
Mababaruan nga kinahanglan han usa nga mining corporation, nga magkuha hin katugutan tikang ha MGB, EMB ngan DENR, agud nga magin legal an ira operasyon.
