-- Advertisements --
Ginsirbihan hin panibag-o nga warrant of arrest hi anay Bamban, Tarlac Mayor Alice Guo kasumpay han tulo nga ihap han pagtalapas ha Republic Act No. 3019 o Anti-Graft and Corrupt Practices Act.
An warrant in ginpagawas han Pasig Regional Trial Court Branch 67 ngan kadungan ha kaso an 11 nga iba pa nga indibidwal.
Nagtala naman an korte hin P90,000 nga piyansa para ha kada ihap han kaso.
Ha pagkayana, nakapreso hi Guo ha Correctional Institute for Women ha Mandaluyong City mahuman hiya masirotan hin guilty han Pasig court ha kaso nga qualified human trafficking ngan masestensiyahan hin reclusion perpetua o life imprisonment.
