-- Advertisements --
SPORTS – Sumaka ha mas hataas nga puwesto an Filipina tennis star nga hi Alex Eala ha pinakabag-o nga rankings han Women’s Tennis Association mahuman an iya kampanya ha Madrid Open.
Tikang ha No.44, sumaka hi Eala ha ika-42 ka-puwesto ha singles rankings mahuman makasulod ha second round han torneo, kun diin nakagdugang hiya hin 35 points para ha kabug-usan nga 1,285 ka-puntos.
Mahitungod ha iya malinangpuson nga performance ha Madrid Open, nakakuha hi Eala hin 120 points para naman ha doubles nga nagpasaka ha iya career-high nga No. 88 ha rankings, tikang ha anay No. 99.
Samtang, presente naman nga aada ha Rome hi Eala agud pag-andaman an iya pagpartisipar ha Italian Open.
