SPORTS – Waray kakuri-i nga ginpirdi ni Filipina tennis star Alex Eala hi Lucia Bronzetti han Italy. 6-0, 6-1, agud makasulod ha ikaduha nga round han 2025 Eastbourne Open.
Ha sakob la han sobra usa ka-oras, ginpakita ni Eala an kusog han iya mulay kontra kan Bronzetti, nga presente nga aada ha ranked 59th ha kalibutan. Mahuman nga magpatas ha 1-1 ha second set, dayon nga sinelyuhan ni Eala an titulo.
Lumabay hi Eala ha qualifying rounds kun diin ginpirde niya hi Zeynep Sönmez han Turkey ngan Hailey Baptiste han US agud makasulod ha maid draw.
Makakatugbang niya ha round of 16 an magdadaog ha mulay nira Sonay Kartal han Great Britain ngan third seed Jelena Ostapenko han Latvia.
Manunumduman naman nga ginpirde ni Eala hi Ostapenko dida han Marso ha Miami Open.
