Opisyal na nga kalakip an Filipino tennis star nga hi Alex Eala ha main draw han US Open kun diin an iya ikaduha nga pag bulig ha pangunahon nga torneo ha nasabi nga Grand Slam event.
Kaupod an ngaran ni Eala ha official entry list han US Open nga pagbubuhaton tikang Agosto 30 kutob Setyembre 13, kumo kaparte han iyan ikaupay ngan katapusan nga Grand Slam main draw appearance yana nga season.
An 19-anyos nga tennis standout, nga presente ada ha No. 29 ranking han Women’s Tennis Association (WTA), in naglalaum nga maipapadayon an iya maupay nga kampanya ha mga Grand Slam mahuman an malinangpuson niya nga mulay ha Wimbledon.
Ha Wimbledon, umabot hi Eala ha Round of 16 mahuman perdihon an defending champion nga hi Iga Swiatek nga maikokonsidera kumo usa nga dako nga kadaugan ha ira karera.
Nakuha naman ni Eala an iya syahan nga Grand Slam main draw victory dida han nakalabay nga tuig han perdihon niya hi Clara Tauson ha syahan nga round han US Open ugsa napirde kan Cristina Bucsa.
Mahuman an iya pagpahuway ha Pilipinas dida han nakalabay nga semana, utro nga titikangan ni Eala an pangandaman para ha US Open series.
Sunod nga masabak an graduate han Rafa Nadal Academy ha Mubadala DC Open ha Washington kun diin magmumulay hiya ha singles ngan doubles event.
Makaka-team niya ha doubles an tennis legend nga hi Venus Williams.
