SPORTS – Labot ha pagsaka ha Women’s Tennis Association (WTA) ranking, sigurado gihapon an sobra P19 million nga kantidad han premyo nga maiuuli ni Pinay tennis star Alex Eala kahuman han impresibo nga performance ha 2025 Miami Open.
Ha nasabi nga torneo, an semifinal appearance manggud in sigurado nga maghahatag hin guaranteed price nga US$332,160 o sobra P19 million.
An sobra P19 million nga maiuuli hijne ha nasabi nga torneo in mas dako kumpara ha kabug-usan nga $32,000 nga ginbursa ni Eala ha bug-os nga season.
Samtang, kun umabot unta ha final an 19-anyos nga tennis star in sigurado an pagbursa hine han niya ng $597,890 (P34M), samtang $1,124,380 (P64.5M) naman unta an maibubursa hine kun nag-champion ine.
Mahuman an Miami Open in ginlalauman naman nga masaka utro an ranking han Pinay tennis star ha WTA ranking.
Basar ha inisyal nga WTA live ranking, sumaka na hi Eala ha No. 75 tikang ha anay No.140 nga rank ugsa magtikang an Miami Open.
