-- Advertisements --
SPORTS – Nagaandam na yana hi Pinay tennis star Alex Eala para ha masunod nga torneo nga iya aapihan ha masunod nga bulan.
Mahuman mangud an Round of 16 exit niya ha Miami Open in maapi ini ha clay court nga 2026 Upper Austria Ladies Linz Open.
Magtitikang an mao nga torneo tikang Abril 6 kutob 12 ngan mumulayan ha indoor clay court han Design Center Linz.
Nakalista an 20-anyos nga hi Eala ha WTA 500 tournament kaupod an pira nga mga heavyweight nga ngaran ha tennis sugad kanda defending champion Katerina Alexandrova, Clara Tauson, Emma Raducanu, Jelena Ostapenko ngan Sorana Cirstea.
Ha pagkayana in gintitikangan na hini an training para ha torneo.
