Makakatumparak ni Alex Eala an reigning Olympic champion nga hi Zheng Qinwen ha first-round matchup ha Mubadala DC Open ha Washington, DC yana nga Lunes (Manila time).
Ini nga ira magigin mulay ha round-of-32, in nagtitigaman han syahan nga pagkita nira Eala ngan Zheng tikang han mapirde an Filipino tennis ace ngadto han Chinese star dida han singles semifinal ha Hangzhou Asian Games dida han 2023.
Hi Eala in bumalik ha aksyon matapos an makasaysayan nga kampanya ha Wimbledon kun diin nagbutang ha iya komo syahan nga Pilipino nga umabot ha round of 16 ha usa nga Grand Slam singles tournament.
Ha pagkayana ,diri na magmumulay an 21-anyos nga hi Eala ha dobles event bisan kun una na nga nakalista hiya komo partner ni tennis legend Venue Williams.
