-- Advertisements --
SPORTS – Humamubo na an world ranking han Filipina tennis player nga hi Alex Eala mahuman an iya Round of 16 exit ha Miami Open 2026.
Napakyas an Pinay star nga lahusan an semifinals appearance hini dida han 2025, sanglit nawara an anay puntos nga nakagdugang ha iya ranking.
Umabot ha 270 points an nawara ha iya mahitungod hini.
Basar ha opisyal nga singles ranking han Women’s Tennis Association dida han Marso 30, kapot na ni Eala an rank No.45.
Mas hamubo ini han 16 ka-pwesto tikang ha career-high No.29 nga naabot niya duha ka-semana na an nakakalabay.
Gintutudlok naman ini nga pinakadako nga paglaprak ha WTA rankings.
