Nakasulod ha panibag-o nga round hi Alex Eala mahuman nga perdihon an Austrian nga hi Julia Grabher ha sikor nga 6-4, 6-3, ha pag-aabri han clay season ha Upper Austria Linz Open yana nga Miyerkules, Abril 8 (adlaw ha Pilipinas).
Ha syahan nga set, ginpakita han tennis star an determinasyon hini nga makigsabayan ha home favorite ugsa maka-break ha ika-10 nga mulay agud makuha an set.
Ha ikaduha nga set, madagmit ini nga nakabug-os hin 4-1 nga kalamangan mahuman an pagsayop ha serve ni Grabher ha ikaupat nga game.
Hi Grabher, nga ranked No. 89, in may-ada 43 spots nga mas hamubo kan Eala, pinaagi han pagpapabilin han iya serve ha ika-unom nga mulay ngan pagbabalik han break ha ika-pito nga game, ginpahamubo hini an kalamangan ni Eala ha 4-3.
Sugadman, madagmit nga nakabalik hi Eala, nakabreak ha ika-walo nga game ngan gin selyuhan an mulay ha ika-siyam nga mulay.
Ini an iya pinakasyahan nga daog ha clay court yana nga season, ngan nag-aandam na hi Eala ha usa nga dako nga rematch kontra kan Grand Slam champion ngan fourth seed Jelena Ostapenko, nga nakakarawat hin opening-round bye.
