Para ha House Prosecution Panel, puydi magdesisyon an Senate Impeachment Court ha alegasyon nga sayop nga paggamit ni Vice President Sara han confidential funds bisan waray pa pinal nga findings hini an Commission on Audit.
Baton ini ni House prosecution spokesperson Kabataan Party-list Rep. Renee Co, makalabay aghaton ni Senator-Judge Juan Miguel Zubiri ha impeachment court nga hangyo-on ha COA nga magpagawas hin pinal nga desisyon ha findings hini agud magin giya nira ha pagdesisyon.
Duon ni Co, an magigin desisyon han impeachment court ha trial in puydi igbase ha mga testimonya ngan ebidensya nga ginprisinta bisan waray pa final COA findings.
Eksplikar ni Co, magkabulag an standard ha impeachment trial kun diin, an ginprupurabran dinhi in kun may nabuhat nga betrayal of public trust samtang ha COA in rules and regulations ngan applicable administrative rules and jurisprudence an standard.
