TACLOBAN CITY– Nakalatag na an mga aktibidad sugad han nightly activities para han pagsalin-urog han kapatrunan han bungto han AlangAlang, Leyte yana naman nga bulan han Hunyo.
Sumala kan Alangalang, Leyte Councilor Kent Jefflor Guillermo, Committee Chair on Tourism nga ira gin andaman an mga kinada gabi nga pasalida para ha ira mga mulopyo.
Nakatalaan nga magtikang an kinada gabi nga mga pasalida ha Hunyo 9 kutob Hunyo 19, 2023 pinaagi naman han LGU Night: Opening Salvo ngan Rave Party.
Lakip ha ira magigin mga pasalida in an Alangalang Idol, Bituon han Alangalang, Little Miss Alangalang, Youth Night, Miss Alangalang 2023, ngan iba pa.
Dugang pa ni Guillermo nga an magigin highlight han nightly activities nira in an Mayors Night nga kun diin, mayda nira ginlalauman nga magigin celebrity comedian guest nga tikang ha National.
