TACLOBAN CITY – Nakalatag na an pagkasunod-sunod nga aktibidadis para ha tiarabot nga Eastern Visayas Regional Athletic Association (EVRAA) Meet 2023 nga pagbubuhaton ha siyudad han Tacloban.
Sumala kan Dr. Ronelo Al Firmo, Assistant Regional Director DEPED Regional Office Vlll, nga ha Abril 23, in magkakaabot an yinukot-yukot nga mga atleta ngan mga EVRAA officials, samtang pag-abot naman han Abril 24, in titikangan an Opening program han magkalain-lain nga paisan-isan.
Pagdudumaraon an mao nga EVRAA Meet 2023 ha Leyte Sports Development Center Grand Stand.
Kalakip dinhe an tulo nga mga eskwelahan nga gagamiton sugad hiton Rizal Central School para han Northern Samar; San Jose National Highschool para han Ormoc City; ngan Leyte National High School para han Tacloban City delegation ngan mga Officiating Officials.
Mababaruan nga na-undang an mao nga paisan-isan han bumutho an pandemya duwa katuig na an nakakalabay.
