TACLOBAN CITY– Magkalain-lain nga mga aktibidad iton pagdudumaraon han Carigara Leyte, may paghisumpay hiton ti-arabot nga kapatrunan han bungto kun diin nag tikang dida han Hulyo 1 an kick-off hine.
Sumala kan Hon. Eduardo ‘ED’ Ong Jr. Municipal Mayor han Carigara Leyte, usa ha mga highlights dinhe amo an Miss Carigara 2023 ngan partnership ha Miss Universe Philippines, kun diin maagi ha screening process an magdadaog ngan magiging official candidate han Carigara, Leyte ha MUP.
Subay pa hiton Alkalde, makikit-an naman an magkalain-lain nga desensyo han mao nga bungto hirani ha Geo-grounds ngan Carigara Boulevard, nga gintatawag nga ‘Kalsada ni Gara’ kun diin an mga participating Brgys. in maghihimo hin mga arko para ha kompetisyon ngan maging marisyo an mao nga kapatrunan.
Samtang, nagpaka-augment ngan nagpaka-posisyon naman na itun mga kapulisan para masiguro an kahimyang ngan seguridad han mao nga bungto.
