TACLOBAN CITY– Samaran an mga drivers han pedicab ngan single-motorcycle sugadman an mga sakay hine ha nahitabo nga aksidente ha kadalanan ha may Brgy. Ulutan Jaro,Leyte.
Ginkilala an driver han Pedicab nga hi Noel Gabinay nga residente han Brgy. Bulod, Sta. Fe, Leyte ngan an duha nga sakay hine nga hira Adela Aguilles, 53 anyos, residente han Brgy. Kalinawan, Jaro, Leyte ngan usa nga 3-anyos nga bata ngan residente han Brgy. San Isidro, Sta. Fe, Leyte.
Samtang ginkilala an driver han single-motorcycle kan Nelson Adlawan, 35 anyos ngan residente han Brgy. San Agustin, Jaro, Leyte ngan an iya sakay hine nga hi Vergelio Caigoy ngan residente naman han Brgy. San Agustin, Jaro Leyte.
Sumala kan PMaj. Ronald Puso, Chief of Police han Jaro MPS, han nakalabay nga adlaw in may-ada nahitabo nga aksidente nga ginkadabihan ha usa nga pedicab ngan usa nga single motorcycle.
Subay han mao opisyal, an ira ruta in tikang ha Brgy.Ulotan tikadto han Poblacion han Jaro, Leyte kun diin pag-abot ha my Ulotan nga high way, an pedicab nga nauuna in nabundol han single motorcycle.
Mahibabaruan nga nagpapasunod ine nga duha nga sarakyan ha kadalanan ngan mauran-uran gihapon an panahon han mahinabo an insidente.
Dire naman daw nakainom an mga driver ngan sugadman in nagkamay-ada hin lose control rason nga nahitabo an aksidente.
Ha pagkayana in padayun nga nagpaaupay an mga drivers han duha nga sarakyan ngan sugad man an mga sakay hine.
