NATIONAL NEWS – Lauman nga maubos an airfare ha bulan han Setyembre o pagtitikang han ‘ber months’, kadungan han nagin kamanduhan han gobyerno nga ibanan an fuel surcharge nga ginpapasa ha mga pasaheros.
Subay ha Civil Aeronautics Board (CAB), ig uubos na an fuel surcharge ha Level 5 sa Setyembre tikang ha presente nga Level 6.
Ha ilarom han Level 5 in maabot nala ha P151 ngada ha P542 an fuel surcharge para ha mga domestic flight, samtang P498.03 ngada ha P2,867.82 naman para ha mga foreign trip.
Ine in mas habubo kumpara ha Level 6 nga mayda P185 ngada ha P665 nga fuel surcharge para ha local trips, samtang P610.37 ngada ha P4,538.4 para ha mga international travel.
Ginbuhat han CAB an nasabi nga desisyon kadungan han di pala maiha nga pag-ubos han presyo han jet fuel, basar na gihapon ha International Air Transport Association.
