NATIONAL – Posible nga mas barato an airfare ha Hulyo mahuman ig ubos han Civil Aeronautics Board o CAB an fuel surcharge nga ginsusukot han mga airlines. Tikang ha Hunyo 1 kutob Hulyo 15, ginpaubsan han CAB an fuel surcharge ha Level 9 tikang ha Level 12 dida han ikaduha nga parte han Hunyo.
Ha ilarom han Level 9, magbabayad an mga pasaheros hin kadugangan nga P287 ngada ha P389 para ha domestic flights, samtang P947.30 ngada ha P7,044.27 naman para ha international flights. Mas mahubo ini kumpara ha mga surcharge nga iginpatuman dida han nakalabay nga bulan.
Subay ha CAB, ini na an pinakahamubo nga fuel surcharge tikang han humitaas an presyo han lana mahitungod ha tensyon ha Middle East. Dida han Abril, umabot pa ha Level 19 an fuel surcharge, kun diin nagdugang hin kutob P1,834 ha domestic flights ngan P15,000 naman ha pira nga international routes.
An pag-ubos han fuel surcharge in resulta han pag-ubos han presyo han jet fuel ha world market kasunod han pagupay han sitwasyon ha Middle East. Padayon naman nga ginre-review han CAB an fuel surcharge kada 15 kaadlaw, subay ha nagpapadayon nga presyo han aviation fuel.
