TACLOBAN CITY – Opisyal nga gin abrihan na kakulop nga adlaw an Agri-coop Trade Fair ha Leyte Park Grounds kun diin nagpakabutang didto an magkaduru-dilain nga mga utanon.
Sumala kan Romelo Anade, Head hiton City Agriculture Office han Tacloban City, an trade fair in kasumpay han pagselebrar han kapatrunan han syudad kun diin mahuhuman an nasabi nga trade fair ha masunod nga bulan katima hiton patron.
An supplier han mga utanon in amu an mga taga-northern Tacloban nga ginsuportahan han City Agriculture Office ngan gintagan han nasabi nga buhatan hin mga technical assistance, farming coach, ngan iba pa nga mga panginahanglan han mga ine kun diin an mga produkto hine in amu an ginbabaligya ha Leyte Park Grounds .
Dako naman daw an deperensya han pamresyuhan han mga utanon nga mapapalit ha Leyte Park Grounds kumpara ha merkado mahitungod nga farm gate price an mga presyo hine.
Maabot naman ha dire maubos ha 10 nga mga magtirinda hin utanon an nagpakapwesto ha Leyte Park Grounds mahitungod nga damu an nag-interes hine.
Samtang, nag aabri naman an nasabi nga trade fair kada alas 3 hiton kulop kuton naman alas 8 hiton kagab-ihon.
