NATIONAL – Magtititirok an mga cardinal han Simbahan Katolika ha usa nga sikreto nga conclave tikang ha Mayo 7 agud pilion an masunod nga Santo Papa, subay ha usa nga hitaas nga opisyal han Vatican, kakulop nga adlaw, Abril 28.
Ginkasarabutan an petsa ha usa nga closed-door nga pagharampang han mga cardinal ha Vatican, kun diin amu an magigin syahan nga pagharampang tikang han iglubong hi Pope Francis dida han Sabado.
Ginlalauman an opisyal nga anunsyo ha mga masunod nga adlaw.
Mayda kabug-usan nga 135 cardinals tikang ha magkaduru-dilain nga parte han kalibutan—ngatanan han nage-edad hin 80 in mayda katungod nga bumutos ha conclave agud tudlukon an bag-o nga tagmangulo han Simbahan Katolika nga mayda 1.4 bilyon nga membro ha bug-os nga kalibutan.
An urhi nga duha nga conclave dida han 2005 ngan 2013 in nag-iha la hin duha kaadlaw.
