ENTERTAINMENT – Ginhahangyo han actor nga hi Pierce Brosnan, nga kinahanglan an masunod nga maganap kumo James Bond in usa nga Briton.
Reaksyon ini han anay James Bond actor ha pagkapot na han kumpanya nga Amazon ha franchise han pelikula.
Naglalaum ini nga mayda kapas an kumpanya nga makapili hin sakto nga actor para ha nasabi nga pelikula.
Aada na gihapon ha Amazon an pagpili ha mabalyo kan Daniel Craig kumo masunod nga James Bond.
Pira ha mga nakapila nga pagpipilian in hira James Norton, Aaron Taylor-Johnson ngan Theo James.
Ha mga naglabay nga James Bond, mayda duha nga actor nga dire British, hira George Lazenby han Australia ngan h Brosnan nga usa nga Irish.
Ginkalipay naman han 71-anyos nga hi Brosnan an pagkakapili ha iya hadto agud gumanap kumo hi James Bond.
