NATIONAL NEWS– Nagbul-iw ha iya puwesto hi ACT-CIS party-list Representative Edvic Yap.
Ha ginhimo session ha House of Representatives gin-anunsyo ni Deputy Majority Leader and Leyte Rep. Anna Victoria Veloso-Tuazon nga kumarawat ine hin surat tikang ha Yap kasumpay ha iya pagbubul-iw ha puwesto.
Matungod hine, naghangyo ine ha secretary general nga tangalon hi Rep.Yap tikang roll of members han House of Representatives.
Hi Yap in bugto ni Benguet Rep. Eric Yap, usa ha mga manbaralaod nga nahingaranan ni Ombudsman Jesus Crispin Remulla nga kumarawat hin salapi tikang ha mag-asawa nga contractor nga hira Pacifico “Curlee”Discaya ngan Cezarah “Sarah” Discaya.
Mababaruan nga ginhangyo ni Remulla ha Anti-Money Laundering Council (AMLC) nga igpagaws an gin-aaligar nga sumapayan nira Yap ngan Discaya.
