-- Advertisements --
TACLOBAN CITY–Ginpaangbit han Abucay Police Station 2 an pira ka mga ligtas Christmas safety tips yana nga10 ka-adlaw nala ugsa magpasko.
Sumala kan PMaj Shenna Layog,Station Commander Abucay Police Station 2, kinahanglan magin alerto ha mga budolbudol ngan mga snatcher, igbutang an mga bag ha atubangan labi na kun mayda papaliton ha downtown.
Likayan nga magmaneho kun naka-inom, ngan likayan an pagsul-ot hin mga alahas nga nakakag-aghat ha mga kawatan.
Pasabot gihapon ni Layog ha publiko, nga dire mag-alang nga umaro hin bulig ha pinaka harani nga stasyon, o diman ngani tumawag ha numero nga 0998-598-6682.
Dugang pa hine, nga nahitaas mangud an crime rate ha panahon hiton kapaskuhan ngan bag-o nga tuig.
