Usa nga lawin an natad-an ha usa nga driveway ha Virginia, United States an nagin urusturyahon mahuman makit-an nga dire ini nakalupad mahitungod ha sobra nga katambok.
Sumala ha Southwest Virginia Wildlife Center, siyahan nira nga ginkita an lawin agud masabtan kun mayda ini samad ha ulo, bari ha buto o nahilo-an. Pero ginkalasan an mga beterinaryo nga waray ini bisan ano nga injury o ginaabat nga puydi magpugong ha paglupad hini.
Ha gindumara nga pangita, natimbang an lawin hin sobra 910 ka-gramo, rason agud dire na hini akos lumupad hin maupay. Nasabtan gihapon nga masukot ini mandakop hin mga manok tikang ha kahirani nga balay, sanglit pirme ini nakaon hin sobra-sobra.
Mahitungod hini, ginpailarum ha strikto nga diet an lawin han wildlife center agud makalupad ini utro. Ginpahimatngun naman han mga eksperto nga an sobra-sobra nga pagkaon in puydi magdurot hin problema ha panlawas han hayop.
