Trump, Putin, ngan Xi nagkita ha China para ha importante nga trilateral talks. Paghihisgotan an Ukraine, Iran, trade, nuclear proliferation, ngan AI.
-- Advertisements --

Pira ka-adlaw mahuman an pagbisita ni US Pres. Donald Trump ha Pilipinas, nagpakadto naman ini ha Shenzhen, China, agud umatender ha Asia-Pacific Economic Cooperation o APEC Summit, kun diin makikipaghisgot hiya kanda Chinese Pres Xi Jinping ngan Russian Pres. Vladimir Putin.

Ha iya pag-ulpot dida han Miyerkules, personal nga gintapo ni Xi hi Trump ha airport, kun diin nagbalyuay an duha hin lamano ngan kumo pagpapakita han maupay gihapon nga sumpayan diplomatiko, nagkita gihapon hira Trump ngan Putin ha siyahan nga higayon tikang hadton Agosto 2025.

Paghihisgotan ha trilateral meeting an importante nga isyu ha kalibutan, kaupod an nagpapadayon nga kasamok ha Ukraine, tensyon ha Iran, trade, nuclear proliferation, ngan pag-ribhong han artificial intelligence.

Ha kaluyo han mga tensyon ha butnga han ira mga nasud, naglalaum hi Xi nga mag mamaupay an sumpayan han China ngan Estados Unidos ha pamamaagi han paghisgot ngan pagburubligay.