Nahangyo an Asean National Organizing Council ha mga grupo nga nagplaplano nga magprotesta nga igdumara na la an ira mga gios-protesta ha pagkahuman han 49th Asean Summit kumo pagpakita han respeto ha mga maulpot nga foreign leader.
Ginpahayag ni Retired Major Gen. Potenciano Camba nga bisan man ginkikila han gobyerno an katungod han publiko ha mahimyang nga katitirok, mas maupay kun ig-ugsod anay ini agud magin maupay an imahe han nasud ha atubangan han mga bisita.
Nakaandam ngan may kapas naman an Philippine National Police nga panginanu-on an seguridad ha pag-ulpot han mga lider tikang ha 11 member states ngan mga dialogue partner sugad han China, US, Japan, ngan Canada tikang Nobyembre 15 kutob 17.
Samtang, naka-deploy na an sobra 20 nga ahensya han gobyerno pati na an mga lokal nga pangobyernuhan ha Metro Manila agud bantayan an mga airport, karsada, hotel ngan an pangunahon nga venue ha Philippine International Convention Center ha Pasay City.
