-- Advertisements --
Sobra 40 nga pilot whales an nahipatik nga namatay mahuman nga ma-stranded ha usa nga pampang ha New Zealand dida han Huybes.
Nasipatan an mga pilot whales ha Ngawi coast harani ha Cape Palliser ha North Island, New Zealand, sumala ha pahayag han Department of Conservation han nasabi nga nasud.
Ha inisyal nga notisya han Project Jonah New Zealand, usa nga environmental organization, sobra 20 nga balyena an nauna nga ma-stranded ha pampang kun diin buhi pa an upat ha mga ini ngan dayon nira nga gintagan hin kaangayan nga atensyon medical an mga ini.
Samtang, sumala naman ha DOC, masukot nga ma-stranded ha pampang an nasabi nga klase han balyena kinada-tuig, pero dire pa hira maaram an rason hini.
