Umapela hi US Pres. Donald Trump agud ipawaray-bisa an hatol ha iya ha kaso nga hush money nga may paghisumpay ha $130,000 nga ginbayad ha actress nga hi Stormy Daniels.
Ha pagdungog dida han Huybes, ginpakiana han mga mahistrado an mga abogado ni Trump kasumpay ha legal nga basaranan han iya apela, kaupod an paggamit han balaud ha pondo han kampanya ngan ha isyu han presidential immunity.
Dida han 2024, napamatud-an nga nagkasala hi Trump ha 34 nga ihap han pamemeke han mga rekord han negosyo may paghisumpay han nasabi ng abayad, nga ginhimo agud dire gumawas an impormasyon kasumpay ha iya ugsa an 2016 presidential elections, pero ginpanhimuwa ni Trump an mga alegasyon ha iya.
Ha pagkayana, in waray pa ginpapagawas nga desisyon an korte kun pagbibigyan an iya apela o kun san-o ini madedesisyunan.
