-- Advertisements --
Utro nga nanawagan an Commission on Elections (Comelec) nga dire nira kakarawton ha voters registration an barangay certificate of residency ngan cedula.
Ginmalatumat ni COMELEC Chair George Erwin Garcia, nga mayda ini mga nakarawat nga impormasyon nga mayda pira nga barangay officials an naghahatag han mga certificates ha mga indibidwal bisan dire naman residente ha ira lugar.
Gin abisuhan hini an mga voter registrants nga gumamit hin valid identification sugad han pasaporte, police clearance, National ID, Postal ID, driver’s license, ngan National Bureau of Investigation clearance.
Kakarawton gihapon han COMELEC an library card, student ID, ngan senior citizes’s ID nga nakikita an mga ngaran han aplikante, litrato, ngan address.
