Ginaghat han pira nga mambaralaud ha House of Representatives hi Pres. Ferdinand Marcos Jr. nga ideklara nga persona non grata hi Chinese Ambassador Jing Quan o hangyo-on ha China an iya pagpapabalik mahitungod ha mga kontrobersyal nga pahayag hini.
Ha House Resolution No. 1562, nga ginsumite dida han Oktubre 21, 2026, han mga mambaralaud han Kamara, ginsukna han mga mambaralaud an pahayag ni Jing kasumpay ha paggamit han pwersa ngan an mga tarhog nga pahayag han Chinese Embassy kontra ha mga kritiko hini.
Ginmalatumat gihapon ha resolusyon an mga insidente ha West Philippine Sea, kaupod an paggamit han water cannon kontra ha mga sarakyan pandagat han Pilipinas ngan pagsulod han Chinese fishing vessel ha kadagatan nga sakop han nasud hin waray permiso.
Sumala ha mga mambaralaud, kinahanglan manindugan an buhatan agud maproteheran an soberanya ngan seguridad han Pilipinas.
