Nababaraka hi Senator Erwin Tulfo nga kun nahihimo an pan-minos ha mga tawo nga may-ada kapansanan nga tikang ha kilala nga pamilya, in mas dako an posibilidad han diskriminasyon ha mga ordinaryo nga Pilipino nga PWD.
Kasumpay ini ha mga content creators nga ginminos ha ira podcast an mga tawo nga may-ada autism spectrum ngan gintamay pa hi Joshua Aquino nga anak han “Queen of All Media” nga hi Kris Aquino.
Ginpahayag ni Tulfo nga Chairman han Social Justice and Welfare Committee nga usa nga kaarawdan nga kun hin-o pa an waray kapansanan, hira pa an mayda kakulangan ha pag-intindi labi na ha pagigin sensitibo ha gin aagian han mga tawo nga may-ada kapansanan.
Nagbabaraka an magbabalaod mahitungod nga kun nahihimo ini ha mga PWD nga tikang ha kilala nga pamilya in patiunan-o pa ha mga ordinaryo nga Pilipino nga may-ada kapansanan.
Gin sigurado naman ni Tulfo an pagduduso han mga panukala nga pro-PWD kaupod an Senate Bill No. 1405 nga nagtutudlok nga himuon nga lifetime an validity han PWD ID para ha mga mayda permanente nga kapansanan ngan Senate Bill No. 1830 o paghahatag hin mas maupay nga akses ha mga PWDs ha mga tourism sites.
