Ginmalatumat ni Philippine Chamber of Commerce and Industry Regional Governor, Eugene Tan nga posible maabot han nasud an 7.4% nga inflation tikang ha 6.2% yana nga bulan.
Eksplikar hini, nga mas hitaas an inflation yana kaysa han thresold o target han gobyerno nga 2-4%, ini mangud in mahitungod ha padayon nga paghitaas han produkto han lana ngan mga kalamidad nga dako nga nakag-amot han pagpahitaas han inflation.
Nagresulta gihapon an paghitaas han lana ha pagsaka han operational costs ngan serbisyo han iba pa nga produkto kun diin, nagpahinay ha iba nga mga negosyo partikular na an gugtiay nga mga businesses ngan sugad gihapon an kapasidad han mga konsumidor nga gumastos yana nga panahon.
Sumala pa kan Tan nga dako gihapon iton magigin amot ha paghitaas han inflation kun mag-umento iton presyo han bugas ngan iba pa nga agricultural products labi na yana nga nahihipatik an dako nga danyos ha sektor hini mahitungod ha naabatan nga El Nino.
Samtang, nagpahimatngun naman hi Tan nga kinahanglan padayon nga bantayan han gobyerno an kiwa ha presyo han mga pangunahon nga mga papliton ngan maghimo hin mga kaangayan nga pitad agud mapahamubo an inflation ha nasud agud dire ini magin pas-anon han mga molupyo.
VC 3 TAN<<<<<<
An nagin kaparte han pahayag ni Philippine Chamber of Commerce and Industry Regional Governor, Eugene Tan
