Duha ka-tawo nga ginkakadabihan han kapitan ngan crew member an nahipatik nga nawawara mahuman lumunod an ira ginsasakyan nga fishing boat ha Jeju Island, South Korea dida han Lunes han aga, Oktubre 5.
Pasado alas-3 han kaagahon han Lunes han makakarawat hin report an Jeju Regional Coast Guard ha paglunod han Seongjin No. 7, 65 nga kilometro ha norte-weste han Chagwi Island ha Jeju City.
Tikang ha 11 nga crew member han barko, siyam nga crew members, walo nga Indonesian ngan usa nga Vietnamese, an dayon nga nai-rescue samtang padayon nga ginbibiling an usa pa nga Indonesian crew member pati na an Koreano nga kapitan han barko.
Samtang, nagpagwas naman han emergency order hi South Korean PM Han Seong-sook ngan ginmaduhan an Korea Coast Guard kaupod an Ministry of Oceans and Fisheries nga tagan hin prayoridad an pamiling ha mga nawawara nga crew members han barko samtang ginpapaghirot an mga ini ha operasyon.
