Utro nga ginduso ni Senate President Win Gatchalian nga himoon nga balaud an panukala nga GINHAWA agud makabulig nga mamintinar an kakayahan han mga manarabaho nga makapalit hin panginahanglan samtang padayon an paghitaas han presyo han lana.
Sumala kan Gatchalian, dugang nga problema ha mga konsumidor an bag-o nga oil price hikes, labi na kun magpadayon an tensyon ha Middle East nga posible magduso ha paghitaas han pankalibutan nga presyo han krudo.
Labot ha direkta nga epekto ha mga motorista, ginpahayag iya nga posible sunod nga humitaas anpresyo han iba pa nga panguna nga papliton ngan serbisyo, lakip an kuryente, tungod ha paghitaas han gastos ha enerhiya.
Ha Senate Bill No. 56 o Granting Increase in Take-Home Pay for All Working Filipinos Act, nga gintatawag nga GINHAWA measure, naghatag hin suhestiyon hi Gatchalian nga igpahitaas an income tax exemption threshold tikang ha ₱250,000 tikadto ha ₱400,000 ha kada tuig nga income.
Ginduduso gihapon han panukala nga igpahitaas tikang ha ₱90,000 tikadto ha ₱150,000 an cap ha mga bonus nga diri sakop han buwis.
