Gin-akusaran ni Senate Minority Leader Alan Peter Cayetano hi Sen. Panfilo “Ping” Lacson hin panarhug ha mga kontratista nga dabi ha mga infrastracture project ha Taguig City ha butnga han padayon nga imbestigasyon ha nasabi nga isyu.
Dugang pa han Senador, kaya pa niya palabyon an mga normal nga pitad pareho han pag-imbestiga o paghangyo hin mga opisyal nga dokumento. Pero iba na kun an senador mismo an manginginlabot ha paghimo hin mga affidavit ngan papagawson nga nagtikang ha mga kontratista.
Ginpahayag ni Cayetano nga paagi ini ni Lacson para pabor ha iya an magigin testimonya han mga testigo. Dugang pa, gin-aalegar gingigipit hira han senador gamit an tarhug han non-bailable nga plunder case.
Sumala kan Cayetano, pareho gihapon ini an ginbuhat ni Lacson kan Department of Public Works and Highways (DPWH) Secretary Vince Dizon, kun diin syahan na hini ginklaro ha budget hearing nga waray nahitabo nga ghost projects ha Taguig.
