Bumwelta hi House Prosecutor ngan San Juan Rep. Ysabel Maria Zamora kontra ha gintatawag niya nga misogynistic bashers nga na-target ha iya estilo ha sakob han impeachment court.
Ini in kasunod han mga pagsukna han pira nga personalidad ha gindumara niya nga direct examination ha testigo nga hi PMAJ. Joericson Sangalang dida han Lunes, Setyembre 28.
Ginpahayag ni Zamora nga an nakakasubo in damo nga mga Pilipino an may sugad hini nga panhuna-huna ngan naghahatag hin misogynistic nga komento, partikular ha mga kababayen-an nga baltok, maupay nayakan, ngan nagsisirbi kumo abogado ha usa nga impeachment court.
Gintagan-duon hini nga dire la ini may paghisumpay ha isyu, kundi damo la gihapon iton gutiay an pagkita ha kapasidad han mga kababayen-an ha hitaas nga posisyon han serbisyo-publiko.
