Ginkumpirma ni Securities and Exchange Commission Dir. Gerardo Del Rosario kan Senator-judge Francis “Kiko” Pangilinan nga may kapot nga 54.99 percent nga ownership an JTC Group of Companies ha GenCorp Industries Inc., sumala ha nakabutang ha 2025 General Information Sheet han kumpanya.
Hi VP Sara Duterte in usa ha incorporator, stockholder, ngan board member han JTC ngan kumo majority shareholder, mayda dako nga impluwensya ngan direkta nga kontrol an JTC Group ha mga pangunahon nga desisyon han GenCorp.
Ginkumpirma gihapon han abogado han SEC nga may mga “common shareholders” ngan opisyales nga nagsusumpay ha GenCorp, City Hall Chow Foods Corporation ngan Metro City Chow Foods Corporation.
Nagin importante ini nga mga dokumento agud pangitaon han impeachment court an koneksyon han mga kumpanya ha mga ginsusumpay o ginkokonekta nga mga business interests ngan ari-arian han Bise Presidente.
