NATIONAL – Ginduduso ni Senate Energy Committee Chairman Erwin Tulfo an pagsumite han Senate Bill No. 2486 o an Systems Loss Charge Removal Act.
Panuyuan han balaudnon nga tanggalon an otomatiko nga pagsumite ha mga consumer hin gastos tikang ha system losses han mga distribution utility ngan electric cooperative.
Gintagan-duon ni Tulfo nga ha pagkayana, nagbabayad an mga consumer dire la para ha kuryente nga ira gingagamit, kundi pati na gihapon an kuryente nga nawawara ugsa pa man ini makaabot ha ira mga panimalay.
Ha ilarum han balaudnon, an Energy Regulatory Commission o ERC an nagtutudlok kun ano nga gastos an prudent, reasonable ngan kinahanglanon para ha maupay nga operasyon han distribution system, imbes nga otomatiko nga maipasa an allowable system loss ha consumers.
