Sumaka na ha sobra 1,403 an ihap han mga namatay ha Nepal, tulo ka-semana mahuman an dire ginlalauman nga flash flood ngan pagparik han tuna ha border han Nepal ngan China.
Sumala ha National Disaster Risk Reduction and Management Authority han Nepal, aada han sobra 13,742 ka-tawo na an naitalwas, samtang sobra 6,150 la gihapon an nawawara, kaupod an 587 nga langyawanon.
Samtang, ha China naman, sobra 43 ka-tawo an kumpirmado nga patay ngan sobra 519 an nawawara, kaupod an 261 nga langyawanon ha Tibet, nga gintatawag han Beijing nga Xizang Autonomous Region.
Manunumduman nga nahitabo an insidente dida han Agosto 26, mahuman magutak an usa nga glacier ha Mount Langtang Lirung. Padayon naman an resuce operations samtang ginbibiling an yinukot-yukot ka-tawo kutob yana in dire pa natatad-an.
