Ginduon ni International Criminal Court assistant to counsel Kristina Conti nga dapat la gihapon ipatuman an arrest warrant kontra kan Senator Ronald
“Bato” Dela Rosa, an bisan ano nga political reason ha kaluyo han nasabi nga urusturyahon.
Sumala kan Conti, puydi ipatuman han Philippine National Police o National Bureau of Investigation an warrant mahitungod mayda hira enforcement powers, samtang waray naman kalugaringon nga police force an ICC ngan nalaum la an mga ini ha mga law enforcement agencies han mga estado.
Manunumduman nga dida han Mayo 11, pakyas an NBI nga madakop hi dela Rosa mahuman ma-unseal an ICC warrant kontra ha iya kun diin, tikang naman hadto in waray na magpapakita ha publiko an senador.
Samtang, ginmalatumat naman ni Conti nga nakadepende la gihapon ha Philippine Government an pagpapatuman han warrant.
