Ginbutang han Bureau of Internal Revenue, ha ilarum han pagmamangulo ni Comissioner Charlito Martin Mendoza, ha heightened alert an tanan nga enforcement units hini kontra ha pagsarang han mga ilegal nga vape ngan produkto han tabako kadungan an pagdamo han mga mamaralit yana nga sumulod na an “Ber” months.
Ginpahayag ni Mendoza, nga nakakarawat an ahensya hin mga intelligene information kasumpay ha nagtitikahitaas nga kadelekaduhan han pagsulod han mga ilegal vape ngan tabako ha merkado samtang nahitaas an demand han publiko yana nga holiday season.
Mahitungod hini, ginmadohan na han BIR an mga regional ngan enforcement office nga pahugton an pagbabantay ha mga factory, storage o warrehouse, distribution channels, ngan mga retail outlet ha bug-os nga nasud, sugadman an pakikipag-sumpayan ha iba pa nga ahensya para ha mga operasyon.
An nasabi nga pitad in kasunod han padayon nga pagrekupo ngan legal nga panruba han BIR ha mga nakokumpiska nga ilegal nga vape ngan sigarilyo, pagpasaka hin mga kaangayan nga tax liability charges ha mga negosyante nga dire nagbabayad hin insakto nga buwis.
