Nautod an winning streak ni anay WBC Featherweight Champion nga hi Mark “Magnifico” Magsayo mahuman hiya perdihon ni Andres Cortes via unanimous decision dida han Sabado han gab-i ha T-Mobile Arena.
Naghatag an tulo nga judges an pareho nga 97-93 nga iskor kan Cortes mahuman kontrolin han Mexican-American boxer an dako nga parte han ira 10-round lightweight nga mulay.
Napugngan ni Cortes an explosiveness ngan madagmit nga kombinasyon ni Magsayo pinaagi han agresibo nga pakikipag-asdangay ha close range. Imbes nga tagan hin distansya an anay world champiom, padayon niya nga ginpakuri an mulay ngan epektibo nga gingamit an iya tuo nga kamot tikang ha magkadurudilain nga anggulo.
Nakabawi hi Magsayo ha urhi nga tulo nga rounds mahuman magkamay-ada hin hiwa hi Cortes, pero waray na ini magin igo para mabag-o an resulta.
