TACLOBAN CITY – Gin-aandaman na an tika-arabot nga 9th year Yolanda Commemoration ha November 8 ngan pagdumdum han mga tawo nga namatay han mao nga panahon.
Sumala kan Malou Tabao Head hitun City Tourism Office, nagtikang na itun pag repaint, pag-ayad han landscaping ngan wirings ha astrodome, anibong ngan ha holy cross kun diin magkakamay-ada hin misa ha tika-arabot nga November 8.
Subay han mao nga opisyal, nagmeeting na gihapon an komitiba han yolanda commemoration kun diin hasta yana in dire pa final an mga lista han mga maabot ngan naghuhulat pa gihapon hitun mga kompirmasyon.
Naghatag na daw hira hin imbitasyon ha Opisina han Presidente, Bise-Presidente, nga mga senador nga ginlalauman nga umatinder para han 9th Yolanda Commemoration.
Ha pagkayana in naghuhulat la gihapon an mao nga buhatan han mga dirudilain nga opisina nga agud magin presente ha mao nga commemoration.
