TACLOBAN CITY – Umabot na ha 94% an porsyento han mga sarakyan nga nagpa-consolidate han ira nga prangkisa ngan ruta ha bug-os nga Sinirangan Bisayas.
Sumala kan Veronica Reposar, Information Officer hiton Land Transportation Franchising and Regulatory Board Regional Office 8, duro-dako na an ihap ngan porsyento han mga sarakyan nga nagpa-consolidate ha rehiyon mahitungod han kadamo na han mga bumulig han nasabi nga konsolidasyon.
Para han mga Public Utility Jeepney’s (PUJs), as of December 31, 2023, ada na ha 2,215 an mga nagpa-consolidate samtang, ada pa ha 164 pan ihap han mga waray pa makagpa-consolidate.
Ha Utility Vehicle Express (UVE) in ada naman ha 1,182 ngan 1,134 na an nagpaconsolidate.
Dugang pa ni Reposar, pwede an mga operators magconsolidate kumo usa nga kooperatiba nga iba-iba an ruta pero an pagfile han mga ine hin konsolidasyon in kada ruta agud nga daw dire magkasaramok.
