-- Advertisements --
TACLOBAN CITY – Maabot ha 9,000 nga mga benepisaryo tikang ha probinsya ha Southern Leyte an nakatagamtam hin P5,000 emergency housing assistance tikang ha National Housing Authority (NHA) Regional Office 8.
Sumala kan NHA 8 Regional Manager Constancio Antiniero, maabot ha P45 million an ira ginrelease nga budget para ha mao nga special emergency housing assistance program ha mga benepisaryo.
Lakip hini an mga benepisaryo tikang ha bungto han San Francisco, Anahawan, Limasawa, San Ricardo, Liloan, Pintuyan ngan St. Bernard ha probinsya han Southern Leyte.
Labot la ha mao nga program in mayda gihapon housing project nga nakatalaan nga pagtindugon para ha mga benepisaryo han St. Bernard ha mao nga probinsya.
