-- Advertisements --
TACLOBAN CITY – Ginpahayag han National Food Authority (NFA) Regional Office 8 nga nakuha na ha ira warehouse an 900 kasako hin nadaot nga bugas.
Sumala kan NFA 8 Assistant Regional Director Raymond Tafalla, nga ira iginhangyo ha Bureau of Customs (BOC) nga dayon nga makuha an mao nga nadudunot nga bugas mahitungod nga ira iginkakabaraka nga maapektaran an tiarabot nga suplay hin imported rice tikang ha Thailand.
Dugang pa hini nga ha pagkayana, in adto na ha BOC an mao nga nadaot nga bugas ngan hira na an bahala han pagdispose hini.
Samtang, mahibabaruan nga maabot ha 240,000 bags hin bugas an nakatalaan nga umulpot yana nga katapusan han bulan o syahan nga semana hit Hulyo kun diin direkta ini nga maulpot ha port han Tacloban.
