TACLOBAN CITY – Maabot na ha siyam nga mga kaso an naipasaka ha Ombudsman bahin han mga gin-aalegar extrajudicial killings ha rehiyon nga ginkakadabihan han mga kapulisan kasumpay han pagpatuman han kampanya kontra illegal nga droga o an Oplan Tokhang han Duterte administration.
Sumala kan Atty. Desiree Pontejos, Regional Director han CHR Regional Office 8, tikang han pagtikang han Oplan Tokhang han tuig 2016, maabot na ha siyam an napasaka nga kaso ha ombudsman tungod nga may mga complainants nga nag-interes pagpasaka hin kaso samtang mayda naman pipira nga mga kaso nga nadismiss.
Samtang, ha pagkayana in may pipira nga nakakarawat nga mga reklamo an CHR bahin hin mga kaso nga ginkakadabihan han mga kapulisan pero kasagaran ha mga ini in may paghisumpay ha unlawful arrest, physical injury, child abuse ngan VAWC.
