Armando Jay Raymunde, an 9 anyos nga bata nga nabuthan han IED nga gin-itsa han terorista nga NPA samtang nagdudumara hin Community Support Program an kasundaluhan ha Barangay San Miguel Las Navas, Northern Samar Photo Courtesy: 20 Infantry Battalion
TACLOBAN CITY – Patay an 9 anyos nga bata mahuman maigo hin improvised explosive device (IED) nga gin-itsa han mga NPA samtang nagdudumara hin Community Support Program (CSP) an mga kasundaluhan ha Barangay San Miguel Las Navas, Northern Samar.
Sumala kan Lieutenant Colonel Renen Mundog, Battalion Executive Officer han 20th Infantry Battalion ini na an ikapito nga pan-atake han mga terorista nga NPA han nasabi nga bungto yana nga tuig.
Humalo daw an mga rebelde ha damo nga tawo kon diin may ginbubuhat nga programa an tropa han gobyerno ngan ginhapilan ini hin IED.
Natiyempo naman ha tungod han bata bumuto an nasabi nga bomba.
“Populated area ito kung saan pumasok ang perpetrator, itong suspek at itinago ang sarili niya sa mataong lugar at dun inihagis ang IED, homemade grenade ito kung saan sumabog ito at natapat kung saan nandun ang bata.
Napakawalang puso at hindi makatao ang pangyayari”, pahayag ni Mundog.
Ginkilala an biktima nga hi Armando Jay Raymunde, usa nga estudyante ha grade four. Nag angkon ini hin samad ha iba-iba nga parte han iya lawas nga nagresulta han iya kamatayon.
Nagprubar pa an mga sundalo nga igsalbar an bata pero dayon na ini nga naawatan hin kinabuhi.
Ginkokondena naman han mga kasundaluhan an ginbuhat han mga New People’s Army.
“We condemn to the highest degree yong ginagawa ng mga CPP NPA na yan. Di na makatao at di rin makatarungan”, dugang pa nga pamayag ni Lt Col Mundog.
Naghatag naman hin financial assistance an 20 IB ha pamilya han bata.
Labot la han pinansyal nga bulig nanawagan liwat an pamilya hini nga matagan hin hustisya an iya pagkamatay.
Mababaruan nga usa gihapon nga bata an nadabi ha pan-atake han mga terorista nga NPA ha Victoria, Northern Samar han nakalabay la nga bulan.
